ملاثاني نيوز

والربعه ابحچی الطبین معروفه **** کل لیله التمر تنترس بدایه

حوش الطین یزهی ابشخنته البیضه **** من تمطر الدنیه ایصیر لک فیضه

وکت البرد دافی و بارد ابگیضه **** ابرد من الکولر نومت افیایه

گضینه العمر دکتورمارحنه **** نرفل کل وکتنه وآخ ماصحنه

بصخونه خفیفه چم وکت طحنه **** وایطیب الویع حدر اید چوایه

مصموطه و لحم نلهف لهف چنه **** وانحس عایشین و ابوسط الجنه

العیشتنه جمع الناس تتمنه **** صوب السوگ اصلاًمالنه حایه

فرد لیله المره ترستلی النیمه **** و گلتی اکل من کل انهیمه

وین الله و علی و عباس ابوالشمیه **** انشیل امن الدهات انحط بالولایه

گلت الهه ولچ هذه الحچی الشمنه **** گالت هاذه وضعک ما اریدینه

اریدن بالمدینه ارتاح و اتهنه **** باچر من اموتن شاخذ ویایه

گلت الهله دیاچ گالت انبیعه **** و بلفوس الهوایش نشتری اگویعه

گالت هاذه رایی بالعجل طیعه **** گوم اشری المصالح و الگه بنایه

حصلت الگویعه و زهبت شیتی **** و توکلت بالله و سیست بیتی

و من الدین بیضه صارت الحیتی **** و الاصطه طلع فوگ القهر ذایه

بنیان و سگف و الطاش و الکاشی****ست اشهر زمان امخربص افراشی

صرنه مضحکه للیای والماشی****نوب الکمدی خرب نوب المرایه

الاصطه ایغیب مده و یوم یبنیلی****ومن گد ما رحتله ورمت ریلی

گصدی ابعجل یخلص حته اخلیلی****ابلیله امن للیالی مجلس اگرایه