ملاثاني نيوز

 بيت ابوذيه في حق الامام السجاد (ع)

ثبت موقف ابوه احسين بسمه       او يمن اسمه لعد كل محب بسمه

يوم الي رگه الاغواد بسما               خطب هدّم صرح ظلم آل اميه

بیت ابوذيه في حق الامام الباقر (ع)

ضوه علي الباقر زاد علمه            ارتفع فوگ العلام ايخفج علمه

علمه من علي السجاد علماه               العلم الهم من الباري هديه

بيت ابوذيه في حق الامام جعفر الصادق (ع)

الصادق صادق ابوعده و عيده                الشيعي ابمولده يفرح وعيده

يربي هلفرح دومه و عيده                       علي الشيعه ابفرح و لجعفريه

بیت ابوذيه في حق الامام موسي الكاظم (ع)

الكاظم سابع الاقمار منهل            او فرحنه ابمولده ابهل شهر من هل

الكاظم للشرع و لخير منهل                         اليطلبه ما يخيب ابن الزچيه

بيت ابوذيه في حق الامام الرضاء (ع)

يثامن للحجج انته منهلك                        او بگت آثار للعالم منا هلك

اريدك سيدي تحضر منهلك                   اريدبلموقف محامي اتيرليه

بيت ابوذيه في حق الامام الجواد (ع)

الجواد الجود من طبعه ورسمه                التقوه طاعه اسم ثاني ورسمه

انطبع حبه او جوده ورسمه                    ابگلب كلمن يحب نسل الزچيه

بيت ابوذيه في حق الامام الهادي (ع)

الهادي يهتدي الحبه وجدله                       شفاعه هان و هناك وجدله

جاه او منزله عنده وجدله                        طاها ولوصي حامي الحميه

بيت ابوذيه في حق الامام الحسن العسكري (ع)

بسم العسكري هليوم حيت                 او لجعل مولدك ليل انهار حيت

ابكل محفل انا ما طول حي يت                ابفرحهم اشترك واجب عليه

بيت ابوذيه في حق الامام المهدي (عج)

يبو صالح يراعي السيف وراي               يبحر اليرهب امنل عمق وراي

علمكم هلظهر من قوم وري                    اظهر وه نوٌابكم يبن الزچيه

********************************* 

( لطميه في حق الشهيد عن لسان بنت الشهيد  )

يا سعدها المثلي صارت حصلت اسم جديد                چنت محد يعرف اسمي و صبحت بنت الشهيد

چنت محد يعرف اسمي و صحت هسه ابفخر                 من سمعت البابه ضحه گلت دين الله انتصر

اوبانت اعلي العدو ذله او من عزيمتنه اندحر              اشلون بعد ابچي اعلبويه لاوحك با سه الشديد

المات علحگ ما هوميت اي وحگ فارس حنين                      ذمه اصبح دين ربك و ابعنق كل فرددين

ابهل يسار احمل اسلاحك ولكتاب ابهليمين                       وارعب اگلوب الاعادي ابصوتك اليرعد رعيد

راح ابوي امنجلي وجلك يا شباب اسمع شگول                    جاهد الدينك ينشمي جبل راسخ لاتزول

المتت والظليت لازم رضه امنلباري تنول                       اتخير اواطلب علي الله اشما تحب منه اوتريد

يامن اسلام الله دينك انهض او صفي الكفر                      تابع النهضت خميني اموتت في احسن عمر

ماتظل حي اعلي كيفك آخر اتطب هلبگر                                لاكن الموتات تفرق موتت العلحگ تفيد

هيه يا خوتي النشامه لبٌو الصوت الابو                                    اتحزمو بچفان اخوتي او للقتال اتا هيئو

هان بالدينه سعاده اوغاد جنه تكسبو                                      بذلو الارواح اخوتي او لبٌو الصوت العميد

لبٌو الدعوت ابو احمد يا اخوتي او صيحته                            هز عروش الجور صوته و انهدم من صيحته

فازت التبعت مسيره او خسرت الي عادته                              ياخميني كون عمرك گد عمر نوح ابمزيد

ها واشكر من اخوتي الشاركوني ابهل امر                                ايبار كولي ابموت ابويه اويهنوني بالنصر

او صرت مستره ابسببهم و فتخر لاخر عمر                          مات بحسن موته ابويه ايفوز بالجنه سعيد

*************************** 

(لطميه في حق الشهيد آيه ا… سيد علي البهبهاني)

يعيني دم دمع هلي علي المفگود بلاسلام                             خلا له كنز معلوم وا لاحكام 

خلاله كنز معلوم و بفظله الخلگ تحچي                يا هو الماتالما تا لمله وبضله الامم تدري

ياهو اليسمع ابموته او دمعته اعليها تجري         خله الشيعه كلها اتنوح و لفگده تدگ الهام

ضلت مدرسه علمه محزونه اولطم بيها               مست موحشه بعده من مثلك يطب بيها

ا نته الي چنت آ يه او كل ا هموم جاليها                     خليت الدموع اتسيل واثر بگلوب آلام

ا نته علم للاسلام وا نته وارث الطا هـــا           عگبك اهل خوزستان بس البچي سلواهـا

روح الفار گتنه اليوم ريت ارواحنه اوياها            بس يحله البچي والنوح من اجلك يبوالايتام

المصاب البهبهاني اليوم كل ارواح ولهانه           گوض يا وسا فه اوشال عزنه او ترك ديوا نه

ضلت خلف نعشه اتصيح امودّع بللٌه مولانه   صبحت ثلمه بلا سلام اوهم احزن عليه السلام

يبو عبدا… هلغيبه المت الگلب بيهـــــا                 هاي ا هل العلم تنعاك بعدك من يســليها

چنت ا بفضلك او تقواك يا آيه يسليهــا            او محرونه اصبحت يا حيف لجلك ناشره الاعلام

الهي اجبر مصاب ايران ابحاه الصطفي ياسين       وبجاه الشهيد الحيدا بو السجاد ذاك احسين

او جاه  مخدرت عدنان  زينب والذي امطاعين          عبره صار يوم الطف بيه نتسله يلاسلام

*****************************

( لطميه في حق المرحوم آیةالله المجاهد السيد الطالقاني  )

انفجعت الاسلام وسفه طالقاني ا بفگدتك                  اهتزت او ماجت بهلها يازعيم الرحلتك

ا هتزت او ما جت بهلها ا بهلمصاب الي جره     ابحيث ما فگدت شبيهك چنت سور الها او ذره

ا طفي كل نار ابوجودك يا اسد يا قسوره                  هاج كل مسلم اليومك و فجعته وگعتك

هاج كل مسلم اليومك يا مجاهد يا اسد                         للخميني سيف چنت وتحامي البلد

شرد او صفنك يظيغم حبك ا بگلبي انعقد                         للابد ما ننسه يومك الّمتنه ابغيبتك

للابد ما ننسه يومك ولهداف الغاليه                         حطمت بيها العناصر حزب راضي الطاغيه

لا تظن تغيير الها نهضه وحده با غيه                       امودع ا با لله  او رسوله  بيها اهلها ثايتك

امبارك ابهاي السعاده يا مجاهد يا زعيم                جبت عمرك با لمشغه او بارزت ذاك الرژيم

اتحمليت ا شكثر اذيه امنلزنيم ا بن الزنيم                   هاي في حقك سعاده بيها فازت ملّتك

هاي في حقك سعادهيالفزت با لمكرمه                ثبتت نهضت خميني يا لطعت رب السمه

استر گلب روح ا… بيها بس غيا بك المه                     لا يروح ا… لتحزن احنه كلنه ابخدمتك

ظلت اهدافك بدينه او فارگتنه من قصب                   يا ابو الاسلام انته او يا شفيق او يا محب

وين ما نار اتو جّر تطفه بس ليها تطب                      يا اخو الروح الله مثلك خوته تشبه خوتّك

ما نظير الها نهضتك يا اسد يلماتهاب                 الاجل دين الله او رسوله اتحمليت اشگد عذاب

ابكثر ما عندك حنانه ما تحب يسمع شباب                  اتخاف لن ايهيج اكثر من يشاهد حالتك

ما تحب تخبر المله ابنوع تعذيب الشفت                     كلنه ندريها وصيتك في حياتك من گلت

لو متت بس المغسّل ينظر الجسمك ردت                    تدري ملتك لو تشاهد متحّمل غصّتك

يا ابو الاسلام قصتك با لگلب ما تنخفي                 الواجب اديته اعلي صوله نهضتك ماتنحمي

سيدي نور الله انتم نوركم ما ينطفي                         يتم نور الباري النه غصبن اعلي العادتك

يتم نور الباري النه غصبن اعلي المبغضين                  دينكم شاد او تكمل يا نسل طاها الامين

ابعزم الله او روح الله او هل اسود البازلين                       ارواحهم و شماتملكه طالقاني القايتك

************************

( قصيده في حق الشهيد المفکر آیة الله الشیخ مرتضي مطهري )

مرتضي امهنه او مبارك يا لفزت بالمكرمه           يا اسد انته المجاهد يا لطعت رب السمه

شيّدتو الدين انتم يا جنوود المصطفي                            ما تهابون المنايا و العده متحالفه

زاج للمنكر عزمكم و لعدوكم چتفّه                     ابموتك اتالم شعبنه او بلاخص العاصمه

بس علي فقدك حزنه موقضيت انكسار                  احنه لو واحد فگدنه انزيد اكثر انتصار

العدو لايحسب ابنفعه لازم ايذوق المرار          واحنه بعد احرار صرنه او زحنه ذيج المظلمه

حلوه نهضه او يروح الله او ثبتيتو احچايته            انتم اعضاه او جنوده او حصل بيكم غايته

حيف عن عينه مشيتو و ذرفيتو دمعته                لاكن الموته سعاده او بيها عزهّ او غانمه

امبارك ابهاي السعاده الحصل بيها اكثر امل             عزهّ نهضه او عزم بيها تعتبر بيها الدول

يا هو ليعاند تندّم شاف بعيونه الاجل                 هاذه ليجاهد حقيقي كل نحيس ايحطّمه

مرتضي موتك سعاده و النه صار اكثر عزم         ليش من حيث انتّونس بلشهاده او نبتسم

كل مجاهد موته عزه لو ارويضي يفتهم          طاغي و معادي الرساله خل يجينه انفهمه

خل يجي الزامط خميني اشماله من صوته انخلع   مثل عدنه الكل تعرفه هسه برويضي طلع

ما طار اطائر ورتفع الا كما طار اوقع                   ابوگعته اجناحه تهلسّ توهّ حس بالواهمه

ابوگعته ريشه تهلسّ بعد ما يگدر يطير          طاغي چان او عاصي ربه مادره هيچي يصير

هاذ اليعادي الرساله وين ما يمشي حقير                      بعد مادوله تريده او لا تريد امسالمه

مرتضي يومك فجعنه بيه علامه امنلحسين      احسين صابوه ابجبينه ونته هم وسط الجبين

نصر دينه احسين بالدم ونته هم ناصر الدين                يا شهيد الجنه دارك و لعدو للحاطمه

يا شهيد الجنه دارك فوز ويه ابن البتول         چم شهيد الراح گبلك شريد احسب شرد اگول

كلها ابن راضي فناها مادره ابوكته يزول             هسه روح الله يصيده او بالشوارع يعدمعه

هسه روح الله يجيبه او هم شريف او بختيار       او يذچرّهم بالجرايم ولسبي او قتل الحرار

خل ينجيهم ارويضي شوبگه ايدورّ انصار                       بعد ما واحد ينفعه خل يرد انحاكمه

امحاكمه و اعدام بيها لاتحسبّ بس سوال        لو تضن انته اتخلصّ هاي لا تحسب محال

لاتضن سبّاح الك ضل گصته اخوتنه لبطال          شجره الملعونه انته الاصل و الله حطّمه

حطمك الله او خميني يا زينم ابن الزينم                 وين ما تشرد نجيبك وين من عدته تهيم

بالضلم مشيك اويانه حسبّت يبگه الرژيم                لازم اتعاود علينه او راسك النه اتسلمه

عذبّتنه مرمرتنه لو عتنه يا عنيد             حبس شفنه جور شفنه اشما نذكره اهوه جديد

او بعد الاعظم من هذني اشچم الف اصبح شهيد      اشكثر نحسب يبن راضي اشچم طفل لميتّمه

يتميت اطفال النه او چم عفيفه الرملّت                     اتخاوي امر يكه و لعور ولدولتك خربت

چاخجلت امنملاجانب لو امنلله چا خفت                   امنين اصلك يا ايهودي او عانديت العلمّه

اختم او ادعوا ابختامي ابجاه مولانه الحميد              اليعمي اعيون الاعادي او كل جبار عنيد

او مرتضي سره تقدسه يا الهي او كل شهيد           او يحفظ المله ابجلاله و لخميني ايسلمه

( لطميه في حق شيخ محمد تقي الشيخ الشوشتري (ره) )

يا من ابفگدك جرحت اجفونها                    ابكثر ما هملت عليك اعيونها

يا من الفگدك حزن كل السلام                    يا زعيم الدين يا نسل الكرام

حزنت الفقره المصابك وليتام                        عگب عينك منهم ايراعونها

ابفگدك اتبدل فرحها بلحزن                     و لدموع اتسيل ما سال المزن

حته محرابك بگه الفگدك يحن                      و الرساله اخلافك ايعازونها

يا زعيم الدين يا راعي الفضل             اشلون صبره اليعرفك خلفك يظل

اگعد اسمع هلبوا چي و لهضل                 جولخوك او اهلك ايسلونها

حيف دين الله انثلم بيك او حزن       او حيف اخوك اعيونه لمصابك بچن

جت عشايرها او بيارغ رفرفن               خلف نعشك سيدّي اينشرونها

ريت عميه اعيوني عن اجنازتك              حيث ما عندي صبر لمصيبتك

يا عظيم الشان تكلف فرگتك                    حيف جثتك يا ولي ايوارونها

يا من ابفگدك بچت كل مسلمين        او حزن لجلك طاها سيد المرسيلن

انعازي ليران او جميع الحاضرين             ابهل مصاب الله او نبيه ايعونها

( هوسات في حق الشيخ الشوشتري )

يبو محمد علي‌هاي العشاير جت                            تلطم امصابك و لگلب منفت

حتي الطفل يلطم لجلك او ينهت                             و يصيح امصابك هد حيلي 

**********************

يمحمد تقي امصابك فجع لسلام                            او كل واحد الاجلك يلطم اعلي الهام

اليبچي اعليك طول العمر ما ينلام                          يا شيخ افراگك بچّانه

*********************

يهد الحيل يومك يا زعيم الدين                             يا عزنه او ذرانه ضنوه الماضين

تعال او شوف هليبچي بهاء الدين                          او خليته لمصابك ينحب خليته

*************************** 

كل هاي العشاير عجم و لعربان                            اجت اتشرچك بالحزن يا ريسان

تفدي ارواحها الاجلك يراعي الشان                    من بعده انشورك يا هيبه