قصيدة في حق الامام حسين(ع)
لگصد کربلا دخّال عند احسين****ابن والي الولاية او اهما السبطين
ابن والي الولاية او ضامن النا اجنان****الکل مشکل ايحلّة او صاحب البرهان
ابن عمّ الرسول او داحي البيبان****او بسمه ثابته الدنيا او عمود الدين
ال بسمه ثابته الدنيا بهاليها****رسول الها نبينا او هوّ واليها
يا شيعي تخجّل لا تزل بيها****او يخجل من ورانا اهناک ابوالحسنين
*لگصد کربلا دخّال عند احسين*
يخجل من ورانا ابآخر الايام****انصح بلعبادة اليوم آخر مندعينا ايمام
او ينجح من کتب عنده ابعمال الزين****ينجح من کتب عنده ابتعب دنياه****
او اله ملکين تکتب حاضرين اوياه****يکتبون العليه و البالصول ادّاه
او من اذنه السمع بيها او لسانه او من نظار العين
*لگصد کربلا دخّال عند احسين*
من اذن السمع بيها او لسان ايگول****هاذه اشلون گصره او هاذ شوف الطول
لا ينسه حفرته و الجّماعة اگبور****او نومه ما يلذ لل منطلب بالدّين
*لگصد کربلا دخّال عند احسين*
نومه ما يلذ له او لا چسب راحه****ال نسه ربّه اب مسيته او يوم مصباحه
فقط نفعه دمعته بالبچي الناحه****او عشر تيّام دگّه اعلی الصدر باثنين
*لگصد کربلا دخّال عند احسين*
عشر تيام نفعه ابيوم الگراية****او دمعت العين منّا اتخفّف الساية
لا يزهد الآخر مذنب اهواية****او عبر دنياه شط او آخره شطّين
عبر دنياه شط او يعرف ايفويه****مر ينجح ابگوش او مرّه اب رويه
لا ينسه حملته و الحرم دويه****و امزاود عليها شيلت العمدين
*لگصد کربلا دخّال عند احسين*
لا ينسه حملته للگبور ايروح****و الدنيا العزيزه العمر بيها شوح
آدم وين جدنا او من خلافه نوح****امس احساب بيها او من مضو منها اسنين
های اسنين منها من مضو بلگاع****و انصح بلعباده او صير حسن اطباع
ما شفت الّي تثمّن و الّي مات ابساع****او ثلث حصته البيها چاسب ازياره
و الحبّه الامير و الحمه ياره****و الزار ارضا ابعمر العدل مرتين
*لگصد کربلا دخّال عند احسين*
الزار او يعبد الباری يحبّونه****و لو ذنبه ابثگل حمرين يمحونه
شيعي المنخلص ابنيته يضمنونه****اله اقصور کثيره او من حواري العين
*لگصد کربلا دخّال عند احسين*
في زمن العدوان البعثي على ارض الوطن کانت له الهوسه التالية:
تندم يا عراق ابهای هل نيّة
للخميني العشاير بايعه الدّيّة
تعلّت و ازهرت نجمة الباويّة
(طگ و افرس و امضي اعلي اتيوله)
نقلا" من موقع ادبنا الکترونی
